مرحبا أنا صلاح عميرة،

شاب طموح،
بعزيمة وهمة عالية،
وعندي حلم كبير...  "

رسالة صـلاح

Social Media Consultant & Mentor  | Marketing consultant & social media mentor | Conultsal.com | Long Beach Orange County Los Angeles California | Consult Sal | Salah Amireh
مرحبا أنا صلاح عميرة، شاب طموح، بعزيمة وهمة عالية، وعندي حلم كبير...
مدرب بالتطوير والتمكين الذاتي | مضيف للبرنامج الحواري "سيطر مع صلاح" | مدرب يوغا

شو رسالتي ؟

رسالتي بسيطة للغاية، أكرس جهدي ومعرفتي لأصنع فرق بالعالم، وأوجه طاقتي لغاية أكبر مني ومنك... لنصنع تغيير بعالمنا... 

هدفي أعمل على تمكيّن الشباب بالوطن العربي ليطلقوا كل القدرات والطاقات اللي جواتهم، يعبروا عن حالهم، يعيشوا حياتهم بالطريقة اللي بتناسبهم، يحلموا أحلام كبيرة ويحققوها، ويتحدو كل العوائق والصعوبات والضغوطات اللي بتوقف بطريقهم.

شو بحلم؟

حلمي أصنع التغيير، حلمي أخدم بلدي وبالأخص العالم العربي، حلمي أساهم، حلمي أكون جزء من صنع ونشر الخير... بحلم أكون جزء من رسالة أكبر مني، جزء من حلم أكبر من أحلامي، أشارك خبرتي، أشارك مهاراتي، أشارك قدراتي، وأشارك معرفتي مع الجميع... حلمي أساعد الناس يشوفوا الحياة من منظور جديد، حلمي أساعد الناس تطلق العنان للقدرات الهائلة اللي بداخلها... حلمي أكون حلقة الوصل لكل العقول المبدعة والمفكرة اللي ممكن تساعدك لترتقي وتتطور وتكون أحسن نسخة من نفسك... بحلم انه نشوف الخير بداخل كل انسان، نتعاون مع بعضنا البعض، نتعاطف مع بعضنا البعض، ونساعد الناس اللي حولينا ونقويهم ونصير أقوى فيهم.

بحلم بالتطوير الايجابي، بحلم بتمكين الشباب، بحلم بالتغيير والارتقاء بأفكارنا وأفعالنا ومعتقداتنا. تربينا على بعض الأفكار والمعتقدات الموروثة اللي حالياً ما بتصب بمصلحتنا، كبرنا على كتير من العادات والتقاليد اللي ما بتساعدنا على تطوير ذاتنا، رسخنا هاي المفاهيم بعقولنا من دون التفكير بمدى صلاحيتها وقابليتها للتطبيق اليوم. بحلم أشوف تغيير بطريقة تفكيرنا ونظرتنا للحياة، بحلم أشوف شباب واعي بسعى الى التغيير والتطوير، بتقبل الآخرين، شباب بتقبل النقد البناء، مدرك لما حوله من تغيرات بعالم سريع الخطى، بحلم أشوف شباب مبدع ومعطاء، بحترم الاختلاف، بحترم آراء الآخرين، حلمي أشوف قادة بالمجتمع، بساعدوا الآخرين على التطور والنمو، حلمي نشوف بعض بالجوهر، بالمضمون، بالعقل، بالمحبة، بالود، ونبعد عن المظهر والشكل والمادة.

 

حلمي مش بعيد، حلمي مش مستحيل، حلمي قريب، أنا برفض وبكل شدة المعتقد أنه عالمنا بعيد كل البعد عن التغيير، أنا برفض كل شخص بقول مستحيل، أنا مؤمن بأن التغيير قادم، أنا مؤمن بأن التغيير موجود في كل انسان، أنا مؤمن بأن التغيير ظاهرة سريعة الانتشار، أنا مؤمن بأن كل شخص فينا قادر على تغيير نفسه، ومساعدة الأشخاص من حوله، أنا مؤمن بأن تغيير شخص واحد في المجتمع، وبعدها تغيير فئة صغيرة في المجتمع رح يوصلنا لتغيير فئات أكبر، ويوم تاني فئة أكبر، يوم بعد يوم لحتى بيوم من الأيام نرتقي ونوصل لأعلى درجات الوعي ، الادراك، المعرفة والتطور.

 

حلمي مش مكان رح أوصله، حلمي هو رحلة رح أعيشها كل يوم، حلمي مش خيال، حلمي هو قصة... قصة رح أحكيها كل يوم، قصة رح أحكيلك اياها، قصة رح أحكيها لأولادي وأحفادي، قصة رح يعشيها كل جيل من بعدي و كل جيل من بعدك.

كيف رح أحقق حلمي؟

الهدف أوفرلك فرصة لتعبر فيها عن نفسك، لتطّلع الطاقة الهائلة الموجودة جواتك، تعيش حياتك بدون خوف، بدون اعتبارات، حياة بشروطك انت، بمنطقك انت، حياة الها معنى الك بالأول... الهدف اني أوفرلك منصة لتتعلم شيء جديد، شيء خارج عن المألوف، تتعلم تشتغل على حالك، تتعلم تطور نفسك، تتعلم تعيش بدون أي أقنعة، تتعلم كيف توصل لكل شيء بدك اياه... الهدف اني أوفرلك مساحة بتجمع كل العقول المستنيرة والمفكرة والمبدعة، مساحة بقابل وبحاور فيها كل الأشخاص الملهمين، بجمع فيها كل الأفكار والمبادئ اللي رح تخليك تعيش بسلام داخلي، وتفتح لك كل الفرص اللي بيوم من الأيام كنت تفكر انها مستحيلة، وتنقلك لمملكة وعالم جديد من الإمكانيات الغير محدودة...

شو درست؟

حصلت على شهادة مهارات الحياة دورة 100 ساعة من مؤسسة توني روبنس، دورة الأداء العالي و أكاديمية الخبير مع المدرب  براندون بورشارد. حاليا عم بنهي دورة الممارس المتقدم في البرمجة اللغوية العصبية NLP Master Practitioner ودورة التدريب المتكامل Integrated Coaching بالاضافة الى دورة في الخطابة العامة . حصلت على شهادة في التسويق من الجامعة الأردنية، و شهادة الماجستير في إدارة الأعمال M.B.A تخصص ريادة الأعمال من جامعة ديفراي كاليفورنيا - الولايات المتحدة.

اقرأ قصة صلاح...

  • Black Facebook Icon
  • Black Twitter Icon
  • Black LinkedIn Icon
  • Black Instagram Icon